كل ما اسمع ان دولة عندها انتخابات بتحسّر على حالي. لما صارت الانتخابات التشريعية والرئاسية 2005/2006 كنت تحت السن القانوني للانتخاب، ولما فتت الجامعة كان الانقسام بين فتح وحماس وما صار ولا انتخابات خلال كل حياتي الجامعية. قلت يعني بنعاود بنصوّت بس تخلص مدة التشريعي والرئاسة. الله وكيلك الرئاسة والمجلس التشريعي تقول غرا قعدوا عالكراسي وهاي وجه الضيف. المهم قلنا يعني احنا جماعة عقد الحال فخلونا بالمجلس الأعلى للشباب، حطولنا منيب المصري(80 سنة) رئيس للمجلس الأعلى للشباب! وحياتكم انا طموحي أحط اصبعي بالحبر الأسود بس مش أكتر.